21-fevral kuni Urganch shahrida joylashgan Olimpiya va Paralimpiya sport turlariga tayyorlash markazida basketbol bo‘yicha o‘smirlar (U-13) o‘rtasida Xorazm viloyat kubogi musobaqasi bo‘lib o‘tadi.

Mazkur musobaqa viloyatimizda basketbol sport turini yanada rivojlantirish, iqtidorli yosh sportchilarni aniqlash hamda jamoalar o‘rtasida sog‘lom raqobat muhitini mustahkamlash maqsadida tashkil etilmoqda.

Musobaqada Xorazm viloyatining shahar va tumanlaridan kelgan eng kuchli jamoalar g‘oliblik uchun bahs olib boradilar.

🏆 Ushbu sport tadbiri yoshlar o‘rtasida sog‘lom turmush tarzini targ‘ib etish, sportga bo‘lgan qiziqishni oshirish hamda muxlislar uchun murosasiz va qiziqarli bahslarni tomosha qilish imkonini yaratadi.

📍 Manzil: Urganch Olimpiya va Paralimpiya sport turlariga tayyorlash markazi

📅 Sana: 21-fevral, 2026-yil
👥 Yosh toifasi: U-13 (o‘smirlar)